Шығыс Қазақстан облысының мемлекеттік архиві және оның филиалдары

Архив тарихы

«Қалалық, аудандық мемлекеттік мұрағаттарды таратып, аймақтық, облыстық мұрағаттардың филиалдарды құру» жөніндегі Қазақ ССР Министрлер Советінің 21 мамыр 1963 жылғы № 409 қаулысымен, Семей облыстық атқару комитеті халық депутаттарының 4 маусым 1963 жылғы № 313-12 шешімімен 1 шілде 1963 жылы Семей облысы мемлекеттік мұрағатының Аягөз филиалы құрылды.

«Алматы, Шығыс Қазақстан, Қарағанды, Солтүстік Қазақстан облыстарының әкімшілік-аумақтық өзгерістері» жөніндегі Қазақстан Республикасы Президентінің 23 мамыр 1997 жылғы № 3528 жарлығымен Семей облысы Шығыс Қазақстан облысының құрамына қосылуына байланысты, Аягөз филиалы Шығыс Қазақстан облыстық мемлекеттік мұрағатына қарады.

Шығыс Қазақстан облысы мемлекеттік мұрағатының Аягөз филиалы мемлекеттік мекеме болып танылады, оның құқығына Қазақстан Республикасының Ұлттық мұрағат қорын пайдалану, сақтау және жинақтау кіреді.