Шығыс Қазақстан облысының мемлекеттік архиві және оның филиалдары

Тірі жады

2026 жылдың 5 мамырында Алтай филиалында Жеңіс күні қарсаңында алтыншы сынып оқушылары үшін туған өлкеміз мақтан тұтатын тұлғалар туралы ерекше іс-шара өтті. «Жерлестер ерлігі: майдан мен тыл» атты тақырыптық сабақ соғыс батырлары мен Зырян қаласының жанқияр еңбеккерлеріне арналды.

Мектеп оқушыларына батырлығы үшін жоғары мемлекеттік наградалармен марапатталған зыряндық жауынгерлердің жауынгерлік жолы туралы айтылды. Әңгіменің маңызды бөлігі «екінші майдан» — еңбек майданына арналды. Балалар соғыс жылдарында Зырян кеніші мен байыту фабрикасының снарядтар мен техника өндірісіне металл жеткізе отырып, бар күш-жігерімен қалай жұмыс істегенін білді. Әсіресе, 1940-жылдары ересектермен бірдей еңбек еткен жасөспірімдер туралы деректер оқушыларға ерекше әсер қалдырды.

Теориялық бөлімнен кейін балаларға ардагерлердің жеке істері мен соғыс жылдарындағы бірегей фотосуреттер көрсетілді. Экскурсияның ең маңызды сәті түпнұсқа жәдігерлермен танысу болды: уақыт өте сарғайған үшбұрышты майдан хаттары;соғыс кезіндегі газет нөмірлері; ескі Зырянның фотоальбомдары.

Архивтегі бұл патриоттық акция Ұлы Жеңіс тарихы тек сөрелерде ғана емес, ұрпақтар жадында да ұқыпты сақталатынын тағы бір мәрте еске салды.