Шығыс Қазақстан облысының мемлекеттік архиві және оның филиалдары

Алтай филиалының архивіндегі дәріс және экскурсия

Барлық адамдар тарихты білуі керек, бүгінгі күнді бағдарлап, болашақ туралы ойлануы керек. Ұрпақтар өсіп, ғасырлар өтеді, ал біздің ұрпақтарымыз өз қаласының тарихы мен адамдарына қызығушылық танытады. Архив қызметкерлерінің міндеттерінің бірі, жас ұрпақты кіші Отаны өз қаласының тарихын зерттеуге тарту. 2022 жылдың 03 ақпанында Шығыс Қазақстан облысы цифрландыру және архивтер басқармасының "Мемлекеттік архив" КММ Алтай филиалында Шығыс Қазақстан облысы Білім басқармасының "№1 Арнайы мектеп" КММ-нің 9-шы және 10-шы сынып оқушыларына дәріс өтті. Өткен дәрістің мақсаты-Оқушыларды туған өлкенің тарихымен таныстыру, жерлестерінің өткеніне мақтаныш сезімін тәрбиелеу. Архивистер О.Губарева мен С. Станских балаларға Алтай (Зырян) қаласының, оның одан әрі дамуы мен қала құраушы кәсіпорындардың құрылысы туралы әңгімелеп берді. Балалар архив жұмысы және архив құжаттарын пайдалану туралы білді. Оқушыларға таныстырудың көрнекі формасы үшін архив бойынша экскурсия өткізілді. Экскурсия барысында оқушылар архив қоймасына қойылатын талаптармен, температуралық және санитарлық-гигиеналық режимдерімен танысты. Балалар архивта тарихи заттар, яғни тарихи оқиғаларды қамтитын құжаттар сақталатынын көрді. Экскурсия соңында оқушылармен өз өлкесінің тарихын не үшін білу керек және тарихи маңызы бар құжаттарды сақтау қаншалықты маңызды екендігі туралы әңгіме болды.