Шығыс Қазақстан облысының мемлекеттік архиві және оның филиалдары

COVID-19 вакциналарын насихаттау

Өткен сәрсенбі, 7 сәуірде Жарма ауданының эпидемиологиялық қызметінің қызметкерлері Абдрахманова Сания Камзиновна, Алпекова Балым Тлековна (COVID-19) қарсы вакцинациялау жөнінде, Мемлекеттік архивтің Жарма филиалының қызметкерлерімен түсіндіру жұмыстарын жүргізді. Олар жаңа коронавирустық инфекцияға қарсы вакцинацияның артықшылықтары, вакцинациядан туындауы мүмкін асқынулар, иммунитеттің қалыптасу уақыты, коронавирусқа антиденелердің жоқтығына күмәнданатын, сондай-ақ бар азаматтардың иммундауға қатысудың ерекшеліктері туралы айтып берді.

Сания Камзиновнаның айтуынша, Жарма аймағында вакцинаның ауыр жанама әсерлері тіркелмеген. Инъекция орнында терінің қызаруының сирек кездесетін жағдайлары, сондай-ақ дене температурасының үш күнге дейін 38 градусқа дейін жоғарылауы вакцинация кезінде норма болып табылады және науқастардың денсаулығына қауіп төндірмейді, тек иммундық реакцияның қалыптасқанын көрсетеді, сонымен қатар вакцинацияны 18 жастан бастап қарсы көрсетілімдері жоқ, барлық азаматтар жасау керек екенін атап өтті.