Шығыс Қазақстан облысының мемлекеттік архиві және оның филиалдары

Сабақ және экскурсия өтті

Шығыс Қазақстан облысы мәдениет, архивтер және құжаттама басқармасының «Мемлекеттік архив» Зайсан филиалында 25 ақпан 2020 жылы Х.Мустафина атындағы мектеп-лицейдің 10 сынып оқушылары «1941-1945 Ұлы Отан соғысының 75 жылдығына» орай, жеке тектік қордағы соғысқа қатысушы - ардагерлердің құжаттарымен танысуға экскурсияға және оқуға келді. Сынып жетекшісі Толқын Райсова оқушылармен бірлесе архивтің оқу залында, соғыс кезіндегі жазылған хаттар мен соғыстағы жүріп өткен жолдары туралы естелік-өмірбаяндарынан, жауынгер-майдангерлердің түрлі тағдырларынан, өздеріне қызықты көптеген мағлұматтар алды. Оқушылар құжаттардың орналасуын, архив қоймаларын аралап көрді, тақырыпқа байланысты дайындалған лекцияны тыңдап, көкейлерінде жүрген сұрақтарға жауап алды. Өскелең ұрпақ өздеріне патриоттық үлгі –өнеге алып қайтты.