Шығыс Қазақстан облысының мемлекеттік архиві және оның филиалдары

«Зырян қаласының тарихы» тақырыбына дәріс

2018 жылдың 31 қазанында Шығыс Қазақстан облысы мәдениет, архивтер және құжаттама басқармасының «Мемлекеттік архив» КММ-де Зырян ауданы мен Зырян қаласы тарихының әртүрлі кезеңдеріне жататын құжаттар мен фотоқұжаттарды кәсіби бағдарлау, жоғары сынып оқушыларын патриоттық тәрбиелеу, ой-өрісін кеңейту, сонымен қатар құндылығы бар мұрағаттық құжаттарды танымал ету мақсатында, Зырян қаласының №6 мектебінің 9-сынып оқушыларымен кездесу өтті. Кездесу барысында ШҚО мемлекеттік архивінде сақталған құжаттарды көрсете отырып, «Зырян қаласының тарихы» тақырыбына дәріс өткізілді. Оқушыларға шолу үшін архивте сақталған «Воспоминание, французского присутствия в Зыряновске» атты фотоқұжаттар ұсынылды.

Дәрістен кейін архивте сақталған құжаттарды көрсету үшін экскурсия жүргізілді. Дәріс пен саяхатты өткізу барысында шақырылған жоғары сынып оқушылары архив-бұл жай ғана қағаз емес, адамдардың тірі тағдыры, біздің өлкеміздің, біздің Отанымыздың тарихы екеніне көз жеткізді.