Шығыс Қазақстан облысының мемлекеттік архиві және оның филиалдары

Аудандық жарыстар өткізілді

Жарма ауданының «Мейірім» спорттық-сауықтыру лагерінде Бүкіләлемдік 28-ші қысқы Универсиада аясында аудандық жарыс өткізілді.

Аудан әкімінің орынбасары А.Ибраев жарысты салтанатты түрде ашып, өз сөзінде қатысушыларға сәттілік тіледі. Оның артынан білім беру мекемелерінің жоғарғы сынып оқушылары флешмоб ұйымдастырды.

Шараның бағдарламасы бойынша: шағын футбол, шаңғы жарысы, арқан тарту және т.б. ойындар бойынша ауылдық округтер, мемлекеттік мекемелер командалары сынға түсті. Барлығы осы жарысқа 700-ден астам адам қатысты.