Шығыс Қазақстан облысының мемлекеттік архиві және оның филиалдары

«Тыңға 60 - жыл»

Зайсан мемлекеттік мұрағат филиалында белгіленген жоспармен Тың игеру жылдарындағы көптеген: аудандық атқару комитетінің, жоспарлау бөлімінің, жер бөлімі коллекциясының құжаттарымен жұмыс істелініп, нәтижесінде Тақырыптық-экспозициялық  жоспар бойынша «Тыңға 60 жыл»  1954-1960 жылдар атты көрмесі дайындалды. Көрмеге 24 наурыз 1954 жылғы Зайсан халық деутаттары атқару комитетінің және аудандық компартия бюросының Зайсан ауданы бойынша «Тың және тыңайған жерлерді игеру шаралары» жөніндегі Қаулысы,осы жылғы аудан бойынша жұмыс істеген колхоздар мен МТС саны, игерілген жер мөлшері, 1954 жылғы Жамбыл сельхозартелінің егістік жерлері көрсетілген сызбасы (картасы),Тың игеру жылдары есімі елге танылған әйел-механизатор Бурханова Мария 1957 жылы Москва қаласында өткен бүкілодақтық ауыл шаруашылық көрмесіне қатысушы медалімен марапатталған және басқада тың ардагерлерінің куәлік түпнұсқалары, фотосуреттері, 1959 жылы «Облыстың үздік комбайнері, үздік тракторисі» атағына ұсынылған еңбеккерлердің аты-жөндері, аудан бойынша марапатталғандар саны т\б құжаттар ілінді.

Аудандық «Достық» газетіне  Тың және тың игерудің 60 жылдығына байланысты «Ерен еңбектің үлгісін көрсеткендер» атты мақала жарияланды.