Шығыс Қазақстан облысының мемлекеттік архиві және оның филиалдары

Қалихан Алтынбаевтың 90-жылдығы

Жарма филиалының ұжымы 5-тамыз күні Қалбатау ауылында айтыскер ақын Қалихан Алтынбаевтың 90-жылдығына арналған ескерткіштің ашылу салтанатына қатысты.

Осы күні Республикалық ақындар айтысы өтті, айтысты белгілі ақын, Қазақстанның Еңбек сіңірген қайраткері, «Құрмет» орденінің иегері, айтыс ақындары мен жыршы термешілердің халықаралық Одағының төрағасы – Ерман Жүрсін Молдашұлы жүргізді. Айтысқа әр аймақтан келген 12 айтыскер қатысты.

Сонымен қатар 6-тамыз күні ұлттық ат спорты түрлерінен жарыс өтті. Аламан бәйгенің жеңімпазы автокөлік ұтып алды. Құнан бәйге және жорға жарыс жеңімпаздарына бағалы сыйлықтар берілді.