Шығыс Қазақстан облысының мемлекеттік архиві және оның филиалдары

Құқықтық оқу

2017 жылдың 25 шілде күні Жарма ауданының әкімі аппаратында аудан әкімі аппаратының қызметкерлері, аумақтық бірлік әкімдері және дербес бөлім басшылары арасында құқықтық оқу өткізілді.

Күн тәртібіндегі мәселе Қазақстан Республикасы Мәдениет және спорт министрлігінің 2014 жылғы 22 желтоқсанындағы № 146 бұйрығымен бекітілген «Ұлттық архив қорының құжаттарын және басқа да архив құжаттарын ведомстволық және жеке меншік архивтердің қабылдауы, сақтауы, есепке алуы және пайдалануы қағидалары» туралы тақырыпта Жарма филиалының архивисі Ж.Н.Сахарина баяндап берді. Құжаттардың құндылығына сараптама жүргізу және оның нәтижелерін ресімдеу тәртібімен істер номенклатурасын рәсімдеу тәртібі, істер номенклатурасын жасау тәртібі жәнеде істерді қалыптастыру мен сақтау сияқты сұрақтар қарастырылды.

Ж.Сахарина аудан әкімі аппаратының қызметкерлері, аумақтық бірлік әкімдері, дербес бөлім басшылары қойған басқа да сұрақтарға жауап берді.