Шығыс Қазақстан облысының мемлекеттік архиві және оның филиалдары

«Мәңгілік елдің мәңгілік тілі» атты іс-шара өтті

Жарма филиалының архившілері Қалбатау ауылындағы Мәдениет үйінде «Қазақ тілі» қоғамы аудандық ұйымының алғашқы төрағасы, «Жарма ауданының құрметті азаматы»  Нұролла Өзбековты еске алуға арналған «Мәңгілік елдің мәңгілік тілі» атты өткен іс-шараға қатысты. Шара жас ақындардың ана тілі туралы өлеңдерін оқуынан басталды.

Сонымен қатар, Н.Өзбековтің өмірі мен еңбек жолы туралы презентация ұсынылды және бұрынғы әріптестері, достары, жақындары және таныстары өз естеліктерімен бөлісті.

Нұролла Өзбековтің ұлы Асқар Өзбеков шығармашылық байқаудың жүлдегерлеріне алғыс хаттар мен ақшалай сыйақылар тапсырды.

Іс-шара аудандық мәдениет және тілдерді дамыту бөлімі көркемөнер ұжымдарының концертімен аяқталды.