Шығыс Қазақстан облысының мемлекеттік архиві және оның филиалдары

«Қасірет. Құрбан. Құрмет»

Жыл сайын 31 мамырда Қазақстан Республикасында Саяси қуғын-сүргін және ашаршылық құрбандарын еске алу күні атап өтіледі. Президенттің 1997 жылғы Жарлығымен белгіленген бұл күн еліміздің тарихындағы ең қасіретті беттердің біріне арналған. 2026 жылғы 26 мамырда Қасым Қайсенов кентінде Саяси қуғын-сүргін және ашаршылық құрбандарын еске алу күніне арналған «Қасірет. Құрбан. Құрмет» атты дөңгелек үстел өтті. Іс-шараға аудан әкімінің орынбасары, Д. Серікбаев атындағы ШҚТУ-дың тарих ғылымдарының кандидаты, облыстық Мемлекеттік архив қызметкерлері, сондай-ақ тарих мұғалімдері мен кітапхана саласының мамандары қатысты.

Шара барысында қатысушылар саяси қуғын-сүргін құрбандарын бір минуттық үнсіздікпен еске алды.

Шығыс Қазақстан облысы Мемлекеттік архивінің Ғылыми-анықтамалық аппарат, құжаттарды жариялау және ғылыми пайдалану бөлімінің басшысы Т.В. Шустова «Шығыс Қазақстандағы халық көтерілістері» тақырыбында баяндама жасады. Қатысушылар аудандық Орталықтандырылған кітапхана жүйесі ұйымдастырған тақырыптық көрмені тамашалады.

Дөңгелек үстел тарих сабақтарын пайымдаудағы маңызды қадам болды. Қуғын-сүргін мен ашаршылық туралы естелік қазіргі заманның басты байлығы — бейбіт аспанды, бірлік пен бостандықты көздің қарашығындай сақтауға шақырады. Өткен күннің қасіретінен сабақ ала отырып, қоғам болашақ ұрпақ үшін бейбітшілік, бостандық және адамдық қадір-қасиет құндылықтарын сақтай алады.