Шығыс Қазақстан облысының мемлекеттік архиві және оның филиалдары

Саяси қуғын-сүргін құрбандарын еске алу күніне арналған іс-шара

2020 жылдың 29 мамырында Достық үйі – Шығыс Қазақстан облысының қоғамдық келісу орталығында, саяси қуғын-сүргін құрбандарын еске алу күніне арналған онлайн дөңгелек үстелі өтті.

Бұл іс-шарада ШҚО ҚХА қоғамдық институттарының, ШҚО этномәдени бірлестіктерінің өкілдері, С. Аманжолов атындағы ШҚМУ Қазақстан тарихы кафедрасының мамандары қатысты.

Қатысушыларға құттықтау сөзбен «Достық үйі – Шығыс Қазақстан облысының қоғамдық келісу орталығы» КММ директорының орынбасары, «Жаңғыру жолы» РЖҚ ШҚО филиалының төрағасы, Өскемен қаласы жастар маслихатының депутаты Равиль Александрович Юнусов бастады.

Онлайн дөңгелек үстелінің қатысушылары, Қазақстандағы саяси террордың тарихы бойынша баяндамаларын, жазаға тартылған елдер өкілдерінің (шешендердің, немістердің) еске алуларын,Шығыс Қазақстандағы 20-30-шы жылдардағы қуғын-сүргін туралы архивтік құжаттардың шолуын ұсынды.