Шығыс Қазақстан облысының мемлекеттік архиві және оның филиалдары

Батырлар рухына тағзым

Зайсан мемлекеттік мұрағат ұжымы 9 мамыр 2015 жылы Ұлы Отан соғысына қатысушыларға қойылған мемориалдық- ескерткішке гүл- шоқтарын қойып, тағзым етті. Салтанатты шараны аудан әкімі А.Оңдақанов ашып Ұлы Жеңістің 70 жылдығымен құттықтады.

Отан үшін от кешіп, сұрапыл соғыстың отына күйген жауынгерлер рухына Мәңгілік Алау жағылып, 1 минут үнсіздік жарияланып еске алынды. Мұнан соң орталық стадионда мерекелік шеру болып, концерт ұйымдастырылды. Кешкісін  Жеңістің 70 жылдығы құрметіне От шашу шашылды. Жеңіс мерекесі ауданымыз бойынша  ерекше аталып өтті. Аудан бойынша 11 тірі жүрген ардагер -аталарымыз және тыл ардагерлері   ардақталып көптеген марапаттар мен  сыйлықтар табысталды.