Қай сайттың бөлімі сізге ерекше қызықты?

Ғылыми-әдістемелік базасы
Жеке қорлар
Құжаттар жинағы
Көсем сөз
Өлке тарихы
Мәліметтер базасы
Фотогалереясы
Архив опросов

Жеке тектікті қорлар

Қор құрушылар арасында:

Агайсенова Зағипа Құрақбайқызы Кеңестік Социалистік Республикалар Одағы Жоғарғы кеңесінің 7 шақырылымының депутаты, Жарма ауданының құрметті азаматшасы 
Агайсенова Зағипа Құрақбайқызы

 

Зағипа Ағайсенова 1928 жылдың 8 наурызында дүниеге келген. Ата – анасынан ерте айырылған Зағипа Құрақбайқызы Новореченск ауылындағы балалар үйінде тәрбиеленіп, Абай атындағы мектепте сегізжылдық білім алып шығады.
1946 жылы еңбек жолын мектеп – интернатта аспазшы болып бастайды. 1947 жылы «Расцвет» колхозында сауыншы, бұзау күтуші болады. Қажырлы еңбегінің арқасында бұзау күтудің шебері атанады. Озық тәжірибені қолданудың арқасында жыл сайын 130-140 бұзау өсіріп, әр бұзаудың тәуліктік қосымша салмағын 900 граммнан асырып, отыз жылғы еңбек жолында ұжымшардың мал басына төрт мыңнан астам бұзау қосты.
Қарапайым еңбеккер – әйелдің ұзақ жылғы еңбегі лайықты бағаланып Еңбек Қызыл ту орденімен, 1961 жылы Қазақ КСР Жоғарғы Кеңесінің мақтау қағазымен марапатталды.
1963 жылы Семей облыстық Кеңесінің депутаттығына сайланды.
1966 жылы Кеңестік Социалистік Респбликалар Одағы Жоғарғы Кеңесінің 7 шақырылымының депутаты болды. 1964 жылы «құрмет белгісі» орденімен, 1966 жылы 3 дәрежелі «Ана даңқы» медалімен марапатталған.
Ұзақ жылғы еңбек жолында көптеген құрмет мадақтамаларына ие болды.
1973 жылы есімі «Расцвет» ұжымшарының Құрмет кітабына енгізілді.
1980 жылы дербес зейнеткерлікке шықты. 2001 жылы «Жарма ауданының құрметті азаматшысы» атағына ие болды.
Зағипа Ағайсенова 7 бала өсіріп, олардан 23 немере, 15 шөбере сүйген бақытты әже болды.
Өмірінің саналы ғұмырын ауылшаруашылығының өркендеуіне арнаған, еңбекқор, қажырлы, абзал ана ағайсенова Зағипа Құрақбайқызы 2009 жылы 82-ге караған жасында өмірден озды. Жерленген жері – Ортабұлақ ауылы.

   
Вакулин Н.В.

Ұлы Отан соғысының ардагері 
Вакулин Николай Васильевич (14.01.1926-1996)ж.ж.

Ұлы Отан соғысы, өткен заман ұрпақтарына өмірдегі ең басты, қайғылы белгі болып табылады, адамзат басынан күйінді тағдыр мен жеңіс қуанышын бірге өткізді.
Осындай майдан соғысын бастан кешкендерге, қазіргі өмірімізде гүл силап, олардың құштарлана айтқан әңгімелерін тыңдауға дайынбыз.
Соғыс ардагері – құрметті атақты даңқ. Ардагерлерге ерекше көңіл бөліп, құрметейді және өмірде үлгі алып мақтан етеміз!
Ұлы Отан соғысының ардагерлерінің бірі – Вакулин Николай Васильевич. Ол Семей облысы, Жарма ауданы, Мариновка ауылында 1926 жылы 14 қаңтарда дүниеге келген. 
Мектепке 7 жасынан барып, 1941 жылы Мариновка 8 – жылдық мектебінің 7 сыныбын бітірді.
1942 жылдың 11 қаңтарынан Жарма аудандық Әскери комиссариатының шақыруымен Қызыл Әскер қатарына алынды.
Вакулин Николай Васильевич 125 атқыштар полкында атқыш болды. Әскери антын да осы полк құрамында 1942 жылы 23 ақпанында қабылдады. 1942 жылы шілде айында ол танк дивизиясының 46 бөлімшесіне автоматшы етіп ауыстырылды.
Ал 1943 жылы 43 Қызылту танк бригадасында атқыш, осы жылдың қазан айының аяғында ол 254 механикаландырылған полк командирының көмекшісі болды. Эстония және Сталинград қалаларында болған шайқаста ауыр аяғынан жараланды.
Вакулин Николай Васильевич 1948 жылы 17 қыркүйегінде әскер қатарынан босатылды.
Ұлы Отан соғысында көрсеткен ерліктері үшін «Ұлы Отан Соғысы» орденімен марапатталған.
1948 жылдан зейнетке шыққанға дейін Сталин атындағы колхозда, «Октябрьский» совхозында механизатор,    болып жұмыс істеді. Жұмыстағы үздік еңбегі үшінбірнеше мәрте құрмет грамоталарымен, алғыс хаттармен және ақшалай сыйлықтармен марапатталған.
Өмірінің соңғы күніне дейін ол өскелең ұрпақ арасында зор тәрбиелік жұмыстар жүргізді. Мектептердің, әскери бөлімшелердің құрметті қонағы болды. Жас ұрпақтың және ел қорғаушы сарбаздардың бойына патриоттық сезім, өз отанының адал азаматы болу қасиеттерін құя біді.
Өзінің қосағы Вакулина Татьяна Дмитриевнамен екі ұл, екі қыз тәрбиелеп өсірді.
Ұлы Отан соғысының ардагері Вакулин Николай Васильевич 1996 жылы дүниеден қайтты.

Шығыс Қазақстан облысы мұрағаттар және  құжаттама басқармасының « Жарма ауданының мемлекетік мұрағаты» коммуналдық мемлекеттік мекемесі -  Қор. № 237, т. № 24, 16 сақтау бірлігі, 1948-1996 жылдардағы құжаттар.

 

С.Х. Қарақанов

Жарма аудандық мемлекеттік мұрағаты Қор №222, тізім №1, құжат-11 1958-1994ж.ж.

Қ.Қалиев

Жарма аудандық мемлекеттік мұрағаты Қор №227, тізім №1, құжат-6 1954-1997ж.ж.

С.Т.Түсіпбеков

Жарма аудандық мемлекеттік мұрағаты Қор №270, тізім №1, құжат-20 1949-2004ж.ж.

Қ.Рахымбеков

Жарма аудандық мемлекеттік мұрағаты Қор №274, тізім №1, құжат-18 1941-2006ж.ж.

К.Ш.Керейбаев

Жарма аудандық мемлекеттік мұрағаты Қор №285, тізім №1, құжат-20 1963-2005ж.ж.

Ф.Тергемесов

Жарма аудандық мемлекеттік мұрағаты Қор №298, тізім №1, құжат-20 1947-2009ж.ж.

 

Сабалаков Шыңғыспек Құдайбергенұлы

Сабалаков Шыңғыспек Құдайбергенұлы 1949 жылдың қазан айында Семей облысы Жарма ауданы Георгиевка ауылында дүниеге келді.
1957 жылы Семей облысы Жарма ауданының Георгиевка ауылындағы Маяковский атындағы орта мектептің бірінші сыныбына түсті.
1967 жылы мектеп бітіріп, Жарма Межколхоз құрылыс бөлімінде құрылысшы болып жұмысқа орналасты. 
1968 жылдың мамыр айында Совет Армиясының қатарын шақырылды.
1969 жылдың наурыз айына дейін Туркмен ССР-нің Кизил- Арват қаласында болса, сол жылдың наурыз айыннан бастап, Талды-қорған облысының Панфилов қаласында Отандық борышын өтейді. Сол кездері ол мақтау қағаздарымен марапатталады. 1970 жылдың маусым айында әскерден қайтады.
1970 жылдың 19 желтоқсанында Жылжымалы механикаландырылған № 2209 колоннасында 1999 жылға дейін жұмыс істейді. №2209 ЖМК –да істеген жылдары Сабалаков Шыңғыспек ұжымның қоғамдық өміріне қосқан үлестері үшін «Кұрмет кітабына» кіргізіліп, бірнеше мақтау қағаздарымен марапатталды.Ауылдық құрылысына қосқан өзінің адал, мінсіз еңбегі үшін «Коммунистік еңбектің екпіндісі» атағы беріліп, 1973-1975 жылдары социалистік жарыстың жеңімпазы» белгісіне ие болды.
1977 жылдан бастап Т. Панкратовтың «За изобилие»: «Дело по плечу» Т.Мировтың «Трудовые будни Шагалы» аудандық газеттерінің беттерінде ол туралы бірнеше мақалалар жарияланды.
СССР Жоғарғы Советінің Төралқасы облыстық халық депутаттары Кеңесі оның ұзақ жылғы адал еңбегі үшін 1977 жылдың 12 мамыр айындағы шешімі бойынша «3-ші дәрежелі еңбек даңқы» орденімен Москва қаласында марапаттады.

1979 жылдың маусым айында Семей облысы Жарма ауданының Георгиевка аудандық халықтар депутаты Советіне депутаттыққа сайланды. Қазіргі уақытта «Жарма Құрылыс» мекемесінде жұмыс істейді. Жары Сабалакова Күләш екеуі бір ұл, екі қыз тәрбиелеп, олардан екі немере сүйді.

Ерлі-зайыпты Задонскийлардың жанұялық колекциялары.
Жарма ауданының мемлекеттік мұрағаты Қор №223 Тізімдеме №1 1954-1992ж.ж.

Задонская Мария Ивановна (11 наурыз 1930ж.) Қазақстанға КО еңбегі сіңген ұстаз (1960), халық оқу ісінің ағарту озаты (1974).
Өмірбаяны, мінездеме, жеке куәлігі, мүшелік билеті, диплом көшірмесі, мандат (1986), құрмет грамотасы (1978), құттықтау ашықхаты (1984-1985), оқушылардың шығармасы (1992), «Пропагандист Задонская» газетінің қиындылары (1976), «Класс жетекшісі» (1977), топтық суреттер: «Студенттік жылдары, жанұясымен, педагогикалық қызметтері» (1952-1986).

Жарма ауданының мемлекеттік мұрағаты Қор №223 Тізімдеме құжат6 сақтау бірлігі №2 1945-1988ж.ж.
Задонский Иван Петрович (07.09.1925ж. – 02.07.1986ж.) тарих пәні мұғалімі, Ұлы Отан соғысының ардагері.
Өмірбаяны (1953), еңбек кітапшасы (1955), куәлігі (1959), мүшелік билеті (1960), куәліктері (1970), диплом көшірмесі (1974), медалдарға куәліктер (1949-1969), құрмет грамоталары (1970-1985), естеліктер, анықтамалар, хаттар-шақырулар (1945-1988), мақалалар, «Знамя дружбы» газетінен қиындылар (1977-1984), хаттар   (1979-1988), майдандас досымен түскен, жанұясының ортасында түскен суреттері (1945, 1986).

Ұлы Отан соғысының біріккен мұрағаттық қоры.
Жарма ауданының мемлекеттік мұрағаты Қор-237,тізім 1-14, 16, 18, 32сақтау бірлігі.

Кемпірбаев Құмарбек (01.07.1924ж.) – Жарма ауданы Георгиевка ауылының орман шаруашылығында бас есепші, Ұлы Отан соғысының ардагері.
Өмірбаяны, мінездеме, эвакогоспиталь куәлігі, есепші курсында оқыған куәлігі, кәсіподақ билеті, жаралы анықтамасы, орден кітапшасы, мерей той күніне арналған құрмет грамотасы, құттықтаулар, құттықтау ашықхаты, аудандық конференцияға делегат мандаты; жеке және фотосуреттер.

Қалмақпаев Сапатай (02.01.1915ж. – наурыз 1983ж.) ауылшаруашылық саласының жүргізуші, Жарма ауданы Маковка ауылы «Жаңа жол» колхозының жүргізушісі (1939), трактор бригадасының бригадиры, ферманыңбасқармашысы, социалистк жарыстардың жңімпазы (1975), Жарма аудандық Кеңесінің депутаты (1965), Мариновка ауылдық Кеңесінің (1953), Октябрь ауылдық Кеңесінің (1967), Ұлы Отан соғысының ардагері.
Өмірбаяны, құжат, неке туралы куәлігі, орден кітапшасы, кәсіподақ билеті, мерей той медалінің куәлігі, депутатқа таңдау туралы; жеке , жолдастарының тобындағы, майданға аттанар алдында, ауыл шаруашылық озаттарымен, туыстарымен түскен фотосуреттері.

Федотов Алексей Иванович (01.03.1911ж.-29.10.1997ж.) – Гергиевка ремонттық-механикалық заводының моторисы, аудандық завотконторында аңшы, 1941-1945 жылдардағы Ұлы Отан соғысының мүгедегі, құрмет грамоталары; достарымен, оқушыларымен, әскери қызметкерлерімен түскен фотосуреттері.

Кривко Иван Яковлевич (07.08.1923ж. – 2005ж.) механизатор, Ұлы Отан соғысының ардагері.
Өмірбаяны, туу туралы куәлігі (1923), мүшелік кітапшасы (1965), зейнеткерлік кітапшасы (1965), еңбек кітапшасы (1966-1988), құрмет грамотасы (1977-1995), орден кітапшасы (1985), «Руская тройка» жарысындағы фотосуреттері (1954), «Көгілдір от» (1990), жеке фотосуреттері (1975).

Смағұлов Жебрейіл Ғаббасұлы (10.05.1924ж. – 25.07.1991ж.) экономист, «Заготживсырье» есепшісі (1946-1952), (1957-1958), Сталин атындағы колхоз мекемесінің партия хатшысы (1959), Семей облысы (1948), Ұлы Отан соғысының ардагері.
Жаралылығы туралы анықтама (1945), медалға куәлік (1945-1984), Алматылық жоғарғы партиялық мектебін бітіргені туралы дипломы (1963), мерей той медаліне куәлік (1966-1988), әскери билет (1967), зейнеткерлік кітапшасы, орден кітапшасы (1985), құрмет грамоталары (1943-1985), Алматы пехотно училищесінде жолдастарымен түскен суреттері, облыс семинарында партия қызметкерлерімен түскен суреттері.

Садықов Абылай (10.01.1914ж. – 2005ж.) Жаңғыз-Төбе стансасында машина-трактор механигі (1946), мерей той медаліне куәліктер (1957-2005), Ұлы Отан соғысының ардагері.
Неке туралы куәлігі (1965), орден кітапшасы (1985), зейнеткерлік кітапшасы (1947), құрмет грамоталары (1960-1965), Ленинградта соғыс ардагерлерімен кездесуде, жұбайымен, механизаторлардың арасында түскен суреттері.

Вилков Иван Игнатьевич (09.02.1926ж.) Бұхтарма ГЭС машинист-эксковаторшысы, Ұлы Отан соғысының ардагері.
Еңбек кітапшалары (1949, 1951-1988), мүшелік кітапшасы (1960), әскери билеті (1964), машинист-эксковаторшы курсын бітіргені туралы куәлігі (1977), Ұлы Отан соғысы ардагері куәлігі, орден кітапшасы (1985), кәсіпкерлік билеті (1986), медалдарға куәліктер, Г.К.Жуковтың медаліне куәлік (1997), мерей той медалдеріне куәліктер, құрмет грамоталары, жұбайыментүскен суреттері.

Чуркин Николай Иванович (26.10.1923ж.) Балажал шахтасында аға электрик (1943-2008), Бөкө руднигінде механик (1956), Ұлы Отан соғысының ардагері.
Қызыләскер кітапшасы (1946), орден кітапшасы, еңбек кітапшасы (1947-1990), әскери билеті (1964), аға механик куәлігі, Маршал Г.К.Жуковтың медаліне куәлігі (1997), мерей той медалдарына куәліктер (1966-2004), құрмет грамоталары (1965-1985), құттықтау ашықхаттары (2000-2005).

Абенов Иван Васильевич (01.07.1925ж.) «Вторая пятилетка» совхозының жұмысшысы (1952-1954), трест «Алтайалтын» руднигінің жұмысшысы (1960-1961), еңбек кітапшасы (1952-1986), әскери билеті (1964), зейнеткерлік куәлігі (1985), орден кітапшасы (1985), КО Маршалы Г.К.Жуковтың медаліне куәлігі (1997), мерей той медалдеріне куәліктер (1966-2004), жұбайымен, туыстарымен, жеке түскен суреттері.

Мұстафин Ахмер (23.02.1911ж.-31.03.1994ж.) «Расцвет» колхозының есепшісі (1946), Ұлы Отан соғысының ардагері.
Жарақаттанғаны туралы анықтама (1943), қаза туралы қара қағаз (1943),құрмет хаты (1945), медалдарға куәліктер (1946-1976), мерейлік медальдарға куәліктер, құттықтау ашықхаты (1980-1985), орден кітапшасы () 1985), КО Маршалы Г.К.Жуковтың медаліне куәлігі (1997), Ұлы Отан соғысы ардагерлерімен, жеке түскен фотосуреттері.

Аманқұлов Мұхаметқали (1917-2007ж.ж.) «Расцвет» колхозында жұмысшы (1959-1998), Ұлы Отан соғысының ардагері.
Еңбек кітапшасы (1966-1998), зейнеткерлік кітапшасы (1979), жүргізуші кітапшасы (1977), мерейлік медалдарға куәліктер (1985, 2004), жұбайымен, туыстарымен, жеке түскен фотосуреттері.

Атанбаев Серғазы (12.03.1919ж.-2003ж.) Қапанбұлақ стансасында теміржол жұмысшысы (1940-1949), Ұлы Отан соғысының ардагері.
Еңбек кітапшасы (1948-1989), туу туралы куәлігі, әскери билеті (1961), зейнеткерлік куәлігі (1989), КО Маршалы Г.К.Жуковтың медаліне куәлігі (1997), мерейлік медаліне куәліктер (1966-1995), Ұлы Отан соғысы ардагерлерімен түскен суреті.

Дегтярев Яков Владимирович (16.08.1923ж.-2000ж.) Георгиевка автокөлік мекемесінде жүргізуші, Ұлы Отан соғысының ардагері.
Еңбек кітапшасы (1946-1989), орден кітапшасы, мүшелік билеті, партия билеті (1974, 1977), орден кітапшасы, құрмет грамоталары (1972-2005), мерейлік медалдарға куәліктер (1973-2004), КО Маршалы Г.К.Жуковтың медаліне куәлігі (1997), құттықтау ашықхаттары (1995-2005), «Рауан-Восход» газетінен мақала, Дегтярев туралы фотоальбом, Ұлы Отан соғысы ардагерлерімен түскен суреті, «Наурыз» мерекесінде немересімен түскен суреті, оқушылар арасында, соғыс ардагерлерінің арасында, жеке түскен суреттері (1970-2005).

Жанұзақов Садық Жанұзақұлы (12.08.1923ж.-2006ж.) Қойтас ауылында колхозда малшы, Ұлы Отан соғысының ардагері.
Әскери билеті (1964), орден кітапшасы (1985), зейнеткерлік куәлігі (1990), КО Маршалы Г.К.Жуковтың медаліне куәлігі (1997), мерейлік медалдарына куәліктер (1987-2004), құттықтау ашықхаттары (2000), жұбайымен, отбасымен және жеке түскен фотосуреттері.

Шар ауданының Ұлы Отан соғысының біріккен мұрағаттық қоры.
Жарма ауданының мемлекеттік мұрағаты Қор-224,тізім 1-9, 50 сақтау бірлігі.

Власов Петр Васильевич (25.08.1910ж.-05.06.1986ж.) авто механик (1956-1970), Ұлы Отан соғысының ардагері.
Еңбек кітапшасы, әскери билеті, соғысқа қатысқандығы туралы куәлігі, марапаттаулары, құттықтау ашықхаттары, құттықтаулар, әскери жылдары, отбасы ортасында, туыстарымен, жұмыстағы ұжыммен түскен фотосуреттері.

Вергун Александр Иванович (13.03.1924ж.) теміржолшы, Шар бекеті теміржол кезекшісі, Ұлы Отан соғысының ардагері.
Білім туралы баға ведомосі, анықтама, марапаттау куәлігі, құрмет грамотасы, коммунистік еңбек озаты дипломы, әскери билеті (1963), құттықтау қағазы, жеке және топпен түскен суреттері.

Домашенко Павел Игнатьевич (29.08.1912ж.) «Горняк» шахтасында жұмысшы (1982), Балажал руднигінде жұмысшы (1953-1957), Ұлы Отан соғысының ардагері.
Орден кітапшасы (1985), куәлік, анықтама, марапаттау куәлігі, құрмет грамоталары, құттықтау ашықхаты, жеке түскен, топ арасында, жанұясының арасында түскен суреттері.

Жағыпаров Нұғман (01.01.1920ж. – желтоқсан 1982ж.) партия қызметкері, Шар аудандық партия қызметкері, Семей мемлкеттік мұрағатының Шар филиалының директоры, Шар аудандық орындаушы комитетінің жалпы бөлім басшысы, Ұлы Отан соғысының ардагері.
Өмірбаяны, жеке ісі, орта білімі туралы аттестаты, қызыл әскер кітапшасы, құттықтау грамоталары, Ұлы Отан соғысы ардагерінің куәлігі, марапаттау қағазы, мақала, әдлет білімі қызметкерлерімен, ұжым ортасында, Ұлы Отан соғысы ардагерлерімен, достарымен, жеке түскен суреттері.

Лаптев Филипп Васильевич (1915ж.-22.10.1977ж.) Шар қаласының насос бекетінің машинисі, Ұлы Отан соғысының ардагері.
Мінездеме, еңбек кітапшасы, тұруы туралы анықтама, кәсіподақ билеті (1958), бастауыш сыныпты бітіргені туралы куәлігі, қызыләскер кітапшасы, грамоталары, орден кітапшасы, майдандас достарымен, туыстарымен, қызметтес ұжыммен түскен фотосуреттері.  

Мустафин Умарбек (10.03.1926ж.) – Шар бекетінің теміржол милициасы, Шар қаласының Халық депутаты (1989), Ұлы Отан соғысының ардагері.
7 сыныпты бітіргені туралы куәлігі, кәсіподақ билеті (1951), аттестат, марапаттау хаты, партия билеті (1974), мүшелік билеті ДОСААФ (1987), құрмет грамоталары, әскери кітапшасы, мінездеме, марапаттау куәліктері, құттықтау ашықхаттары, Мұстафин Умарбек туралы мақала, әскери достарымен, жанұясымен, қызметтес ұжымымен, соғыс ардагерлерімен, жеке түскен суреттері.

Нестеренко Иван Яковлевич (11.01.1914ж.-10.11.1989ж.) Шар қаласының №6634 орталық сберкассасының басшысы, Ұлы Отан соғысының ардагері.
Туу туралы куәлігі (1950), еңбек кітапшасы, зейнеткерлік және қызметкерлік куәліктері (1976-1988), кәсіподақ билеті (1939), анықтамалар, әскери билеті, марапаттаулар, соғыс ардагері куәлігі, ауыл совет депутаты куәлігі (1948, 1953, 1955, 1957), орден кітапшасы, қаза болғандығы туралы анықтама (1989), жеке және қызметтес ұжымымен, туыстарымен түскен суреттері.

Проценко Афанасий Данилович (10.05.1922ж.) ауылшаруашылық қызметкері, Шар совхозының тракторшысы, Ұлы Отан соғысының ардагері.
2-ші санатты тракторшы куәлігі, Батуринка, Разин ауылдық халық депутаты куәлігі (1965), әскери билеті, Ұлы Отан соғысының ардагері куәлігі, орден кітапшасы, марапаттау, құттықтау қағаздары, анықтамалар, «Знамя дружбы» газетінде А.Д.Проценко мақаласы, балаларымен, туыстарымен, жұбайымен, соғыс ардагерлерімен түскен суреттері.

Шалабаев Тайтөлеу (01.01.1921ж. – қараша 1991ж.) партия қызметкері, Абралы аудандық комсомол оргинструктор бөлімінің басшысы (1966), Абралы райком партия парткомитетінің басшысы Абралы ауданының «Социалистік шаруа» газетінің редакторы (1973-1981), Шар ауданының жұмыспен қамту және әлеуметтік бағдарлама бөлімінің басшысы, Ұлы Отан соғысының ардагері, медалдармен марапатталған.
Өмірбаяны, аудандық және жергілікті халық депутаты Кеңесінің куәлігі (1953, 1959, 1969), жеке ісі, еңбек кітапшасы, кәсіподақ билеті (1960), партия билеті (1973), аттестаты, ЖҚӘБ бөлімінің басшысы куәлігі, Ұлы Отан соғысының ардагері куәлігі, орден кітапшасы, мінездеме, жарақаты туралы анықтама, майдандағы марапаттау қағазы, құрмет грамотасы, Т.Шалабаев туралы мақала «Памяти Тайтулеу, сына Шалабая, посвящается» (1991), жеке фото суреттері.

Алимбаев Тұрсынбек (1923г.-1991г.) Георгиевка нан зауытының директоры (1970-1978), Ұлы Отан соғысының ардагері
Өскемен кооперативтік техникумын бітіргені туралы диплом (1958-1961), зейнеткерлік куәлігі(1973), депутат куәлігі (1975), Владимир Ильич Лениннің 100 жылдығына орай «Ерен еңбегі үшін» медалінің куәлігі, 1- дәрежелі, 2-дәрежелі орден куәлігі (1965,1985), жеке, отбасымен, ардагерлермен, Георгиевка нан зауыты ұжымымен түскен фотосуреттер,

Куспеков Торехан ( 1923г-1998г) Ақжал кенішінде веттехник, бригадир (1946-1960), Қазан шұңқыр подхозының директоры (1960-1970), Ұлы Отан соғысының ардагері.
Еңбек кітапшасы (1959), әскери билет (1968), партиялық билет (1974), орден кітапшасы (1985), құрмет грамоталары (1975-1990), мерейлік медальдарға куәліктер (1965-1995), жеке (1975) және қызметкерлермен түскен фотосуреттер (1955)

Омаров Бакаш

Омаров Бакаш (09.05.1930 - 1998)

«Октябрьский» совхозының аға шопаны, есімі қазақ ССР-нің Алтын Құрмет кітабына енгізілген, Қазақ ССР Жоғарғы Кеңесінің депутаты. Омаров Бакаш 1930 жылы 9 мамырда Семей облысы, Жарма ауданы, Қазан – Шұңқыр кенішінде, жұмысшы отбасында дүниеге келген. 1945 жылы Мариновка ауылындағы Некрасов атындағы орта мектебінің 7 сыныбын бітірді. Өзінің қызмет жолын 1946 жылы бастаған, осы жылдан 1954 жылға дейін Маковка ауылының «Новый путь» колхозында, 1955 – 1956 жылдарда Мариновка ауылы, Сталин атындағы колхозда шопан болып жұмыс істеді. 1957 жылдан 1990 ж зейнеткерлікке шыққанға дейін «Октябрьский» совхозында аға шопан болды. Омаров Бакаш коммунистік еңбектің екпіндісі болды, ауылдың қоғамдық өміріне белсене араласты. 1961 жылы халық депутаттары Семей облыстық Кеңесінің, 1963 жылы Қазақ ССР Жоғарғы Кеңесінің депутаты болып сайланды. Адал еңбегі үшін есімі Қазақ ССР-нің Алтын Құрмет кітабына енгізілді. Ауылшаруашылығы өнімдерінің өсуіне қосқан зор үлесі үшін 1979 жылы «Социалистік жарыстың жеңімпазы» атағына ие болды. Сонымен қатар, ол совхоз басшылығының Құрмет грамотасымен, алғыс хатымен, бағалы сыйлықтарымен марапатталған. Фотосурет бірнеше рет Семей облысының құрмет тақтасына ілінген. Депутат ретінде Омаров Бакаш сайлаушылардың аманатына зор мән бере отырып, олардың орындалуына барлық жағдайды жасады. Жолдасы Омарова Тұрмышпен 10 баланы тәрбиелеп өсірді. Омаров Бакаш 1998 жылы дүние салды. Шығыс Қазақстан облысы мұрағаттар және құжаттама басқармасының « Жарма ауданының мемлекетік мұрағаты» коммуналдық мемлекеттік мекемесі - Қор. № 318, т. № 1, 20 сақтау бірлігі, 1946-2012 жылдардағы құжаттар.

   
Айнажаров Ішпекбай

Айнажаров Ішпекбай

15 желтоқсан 1919 жылы Жарма ауданы «Малай» колхозы №24-ші аулында  дүниеге келген.
1930-1936 жылдары  Жарма ауданы Семей облысы Октябрге 15 жыл атындағы балалар коммунасында оқып, оқу озаты болып, Жарма ауданы Георгивка ауылы «Абай» атындағы орта мектебін өте жақсы бағамен бітірген..
1939 жылы Алматыдағы жоғарғы ауылшаруашылық мектебінде  оқып жүргенде,   әскер қатарына 10 желтоқсан 1939 жылы шақырылған.
Әскер қатарында жүріп өз еркімен  Финляндия  соғысына 9 қаңтар 1940 жылы  аттанған.
1941 жылы соғыстан аман есен оралғаннан кейін, өз
Отанын қорғау үшін қайта соғысқа аттанып 333 атқыштар полкі 6 дивизиясына қабылданған.
1941 жылдың 6 тамыз айында Германия түбінде басынан контузия ауыр жарақат  алған.
1945-1947 жылдары Алматыдағы заңгерлер дайындайтын мектепті бітіріп, өз маманы бойынша Аягөз қаласындағы Межрейбазасында заңгер, прокуратурасында заңгер болып бейбітті еңбек етіп, көпшіліктің сый-құрметіне бөленіп көптеген алғыс хаттарымен, құрмет грамоталарымен мрапатталған.
«Ұлы Отан соғысындағы еңбек қажырлығы үшін» медалімен (1947) ,«1941-1945 жылдардағы Ұлы Отан соғысының жеңісіне 25жыл» белгісімен (1970),« Ұлы Октябрь 57 жыл, еңбектегі жарыстардағы жоғарғы көрсеткіштері үшін» - бас заңгерге құрмет грамотасымен, «Ұлы Отан соғысы Германияны фашизімдігін талқандағаны үшін» құрмет грамотасымен (1974)  «30 жыл гитлерлік Германия түбіндегі жеңісі үшін» мерекелік медалімен(1974), «1941-1945 жылдардағы Ұлы Отан соғысының жеңісіне 30,40,50,жж » мерекелік медальдарымен, «Кеңес Одағы әскерінің құрылғанына 60жыл» медалімен, «Еңбек ардагері» медалімен(1984),  «Отан соғысының ІІ-дәрежесі» орденімен 1985, «Кеңес Одағы әскерінің құрылғанына 70 жыл » медалімен,  «Кеңес  Одағының Маршалы Г.К.Жуков» медалімен (1997) марапатталған. 2001 жылы 2 қаңтар айында қайтыс болған.

   
Джумагулов Ахметжан

Джумагулов Ахметжан

(1905ж. – 06.10.1994 ж.) Балажал, Октябрьский руднигінде 30 жыл еңбек етті, Ұлы Отан соғысының ардагері.

Өмірбаяны, әскери билеті (1948), алғыс хаттары (1945), медальдарға куәліктері (1946-1947),  мерейлік медальдарға куәліктері (1966-1985), жеке суреті және майдандас достарымен түскен суреті.
   
Садуев Маулен

Садуев Маулен

(29.09.1926ж.-15.02.1997ж.) Октябрьский  совхозының №4 бригадасында есепші (1961-1963), Мариновка ауылында пошташы (1963-1964), Жаңғызтөбе погранбазасында оператор (1965-1971) қызметін атқарған. Ұлы Отан соғысының ардагері.

Өмірбаяны (2010), еңбек кітапшасы (1961), әскери билеті (1964), орден кітапшасы (1983), зейнеткерлік куәлігі (1986), мерейлік медальдарға куәліктері (1976-1995),  жұбайымен түскен суреті.

   
Нугуспанов Бекберген

Нугуспанов Бекберген

(20.11.1920ж.-03.11.2004ж.) Чегелек совхозында комбайншы болып қызмет атқарған, Ұлы Отан соғысының ардагері.  Өмірбаяны (2010), туу туралы куәлігі (1951), қызыл әскер кітапшасы (1948), Семей қаласындағы ауылшаруашылық механизаторлар мектебін бітірген туралы куәлігі (1953), еңбек кітапшасы (1955-1987), әскери кітапшасы  (1964), Кеңес Одағы Маршалы Г.Б.Жуковтың медаліне куәлігі (1997), орден кітапшасы (1985), «Құрмет белгісі» орденіне куәлігі  (1973), мерейлік медальдарға куәлігі (1958-1995), жеке суреті.

   
Кихметов Шамши

Кихметов Шамши

(1906 г.-17.03.1991 г.) «Октябрь» совхозында тракторист,Саратовка ауылында малшы болып жұмыс істеген.Ұлы Отан соғысының ардагері.

Өмірбаян (2010), неке қию туралы куәлігі (1967), қызылармия кітапшасы (1946),әскери билеті,3-ші дәрежелі Даңқ ордені кітапшасы (1985),Ұлы Отан соғысының  ардагерінің  куәлігі.

 

   
Сайбулатов Иманмади

Сайбулатов Иманмади  

(09.05.1905 ж.-09.05.1993 ж.)
Наубайханашы,сатушы,асхана меңгерішісі болып жұмыс істеген.

Өмірбаян (2010), туу туралы куәлігі (1953),әскери билеті (1948),кәсіподақ билеті (1958),«1941-1945 жж. Ұлы Отан соғысында  Германияны жеңгені үшін» медалінің куәлігі, 3 дәрежелі Даңқ ордені кітапшасы (1947),мерейлік медалдарға куәліктер (1966-1988),  Сайбулатов Иманма-дидің  майдангерлермен,ұлыменен    бірге түскен   
Фотосуреттері.

   
Есенов Толеутай

Есенов Толеутай

(20.05.1918ж.-август 1992 ж.), «Қызыл Октябрь» фермасында меңгеруші (1948-1950), «30 жыл  Казахстан» колхозында партиялық мекеменің хатшысы (1950-1953), «Шар» совхозының ферма меңгерушісі (1961-1963), «Красное Знамя» (1967),  «Красное Знамя» колхоз төрағасы (1970-1974), Октябрь ауылдық Кеңесінің төрағасы (1974-1985),Ұлы Отан соғысының ардагері.

Өмірбаян (2010),неке қию туралы куәлігі (1960),әскери билеті (1964),кәсіподақ билеті (1972),3 дәрежелі Даңқ ордені кітапшасы  (1985) Афанасьев, Разин,Жарма ауылдық Кеңестеріне депутатыққа сайланғаны туралы куәліктер (1950),1941-1945 жж. Ұлы Отан соғысында  Германияны жеңгені үшін»,«Киевті қорғағаны үшін», «Ерлігі үшін»,«Тың жерлерді игергені үшін» (1957) медалдарының куәліктері, мерейлік медалдардың куәліктері (1967-1989).

 
070004, ҚР, ШҚО Өскемен қаласы, Головков көшесі, 26/1
Сайт әкімгері: Бекниязқызы Жангуль. Copyright © 2010-2019
Рейтинг@Mail.ru